العميل اللي ملقاش معاد

لما العميل يطلب يوم وميكونش فيه مكان، سَنَد بيعرض عليه يدخل قايمة الانتظار، وبيسجّل طلبه بتاريخه. ولما معاد يتلغى، سَنَد بيقولك مين كان مستني، ويستأذنك، ويعرضه على واحد في المرة. وإنت بتاخد خبر واحد في الآخر، مش تنبيه مع كل واحد.

العميل اللي بعّد

سَنَد بيحسب مين كان منتظم ووقف: تلات جلسات أو أكتر في آخر شهرين، وبعدها تلات أسابيع من غير معاد. وبيعرضهم عليك، وإنت اللي تقرر مين توصله رسالة ومين لأ. الرقمين قابلين للتعديل من الإعدادات، وسَنَد مابيبعتش لحد من نفسه.

سَنَد بيفتكر العميل

ملف مربوط بالرقم. العميل الراجع بيتقابل باسمه وبمكانه المعتاد، مش كأنه أول مرة. «أهلًا يا منى. نفس عيادة المعادي؟»

وتقدر تعلّم الحضور بضغطة على كل معاد، عشان الحضور يفضل متسجل من غير ما تلف عليه.

شكل الرسايل.

رسائل سَنَد مبنية على رسايل جاهزة ثابتة وواضحة عشان الاختيار يبقى سهل وسريع، لكن جوّاها مساحة لبياناتك وصياغتك. اللي ينفع يتعدل مفتوح، والجزء الثابت له سبب واضح. الرسايل الجاهزة هي رسايل التذكير والتأكيد اللي Meta بتوافق عليها مرة واحدة من الأول.

صيغة الردود بتاعتك.

لكل رسالة أربع صيغ جاهزة تبدأ منها، وتقدر تعدّل نصك وتحط خانات زي [السعر] و[المواعيد]. تختار بسرعة من غير ما تبدأ كل مرة من ورقة فاضية.

سياسة وقت الجلسة.

بتحدد وقت السماح وقاعدة تجاوز الموعد مرة واحدة، وسَنَد يوضح سياسة العيادة للعميل من الأول.

3 أجهزة لكل دكتور.

كل دكتور يقدر يدخل على حسابه من لحد 3 أجهزة، حتى لو هو جزء من حساب عيادة رئيسي. وتقدر تشوف الأجهزة المسجّلة وتقفل أي جلسة مش عارفها.

محادثات سَنَد قدامك.

تقدر تفتح محادثة العميل وتشوف سياق الحجز أو التعديل والرسائل الإدارية اللي حصلت مع سَنَد، بدل ما تعتمد على التبليغ من سَنَد أو الملخص بس.

عرض العيادة كلها.

صاحب الحساب يشوف تشغيل العيادة كلها: كل الدكاترة، وكل الأماكن، وكل مواعيد اليوم.